ഇന്ത്യയ്ക്കായി ചരിത്രത്തിലെ ആദ്യ ഒളിംപിക് വനിതാ ഹോക്കി മെഡലിന് വേണ്ടി കളത്തിലിറങ്ങിയ ഇന്ത്യന് ടീമിന് നിരാശ. ഒളിംപിക്സ് വെങ്കല മെഡലിനായുള്ള നിര്ണായക മത്സരത്തില് ഇന്ത്യന് വനിതാ ഹോക്കി ടീം ബ്രിട്ടനോട് പൊരുതിത്തോറ്റു. മൂന്നിനെതിരേ നാലുഗോളുകള്ക്ക് ബ്രിട്ടനാണ് ഇന്ത്യയെ കീഴടക്കിയത്.
ഇന്ത്യന് പുരുഷ ടീമിന് പിന്നാലെ വെങ്കലമെഡല് സ്വപ്നം കണ്ടിറങ്ങിയ ഇന്ത്യന് വനിതകള് അവിശ്വസനീമായി മത്സരത്തിലേക്ക് തിരിച്ചുവന്ന് ലീഡെടുത്തെങ്കിലും അവസാന നിമിഷം മത്സരം കൈവിടുകയായിരുന്നു.
ഇന്ത്യന് വനിതകള് ബ്രിട്ടനെ വിറപ്പിച്ച ശേഷമാണ് കീഴടങ്ങിയത്. ബ്രിട്ടന് വേണ്ടി സിയാന് റായെര്, പിയേനി വെബ്, ഗ്രേസ് ബാല്സ്ഡണ്, സാറ റോബേര്ട്സണ് എന്നിവര് സ്കോര് ചെയ്തു. ഇന്ത്യയ്ക്കായി ഗുര്ജിത് കൗര് ഇരട്ട ഗോളുകള് നേടിയപ്പോള് വന്ദന കടാരിയ മൂന്നാം ഗോള് നേടി.